Qarashanyń 16-sy men jeltoqsannyń 6-sy aralyǵynda OSK-ǵa saılaý protsesine baılanysty azamattardan 24 shaǵym men ótinish kelip tústi
ASTANA. 7 jeltoqsan. QazAqparat /Aıdar Ospanalıev/ - «Qarashanyń 16-sy men jeltoqsannyń 6-sy aralyǵynda Ortalyq saılaý komıssııasyna saılaý protsesine baılanysty azamattardan 24 shaǵym men ótinish kelip tústi»,
dedi búgin Ortalyq saılaý komssııasynyń kezekti otyrysynda atalmysh komıssııa tóraǵasy Qýandyq Turǵanqulov.
Ol keltirgen derekterge qaraǵanda, ótinishterdiń 18-i saılaý zańnamalaryn túsindirýmen baılanysty. Al qalǵan 6 ótinish saılaý komıssııalary men buqaralyq aqparat quraldarynyń qyzmetine qatysty bolyp otyr.
«Osy ýaqytta saılaý komıssııalary músheleriniń biliktilikterin jetildirýmen qatar elimizdiń aımaqtarynda saılaýshylardyń daýystaryn retteý jumystary da júrip jatyr. Saılaý zańnamalaryna sáıkes, saılaýshylardyń tizimderine jergilikti atqarýshy organdar jaýap beredi. Jergilikti atqarýshy organdar tolyqtaı tekserilip, rettelgen saılaýshylardyń tizimderin saılaý komıssııalaryna 25-shi jeltoqsannan qaldyrmaı berýleri kerek.
Al 30 jeltoqsannan bastap, azamattarǵa saılaý ýchaskelerindegi saılaýshylar tizimimen tanysýǵa múmkindik jasalady»,-dedi OSK tóraǵasy.
