Qarashanyń ortasynda sharýalarǵa revolverlik kredıt berý bastalady

ASTANA. KAZINFORM – Aýyl sharýashylyǵy mınıstri Aıdarbek Saparov Úkimet otyrysynda sharýalarǵa revolverlik kredıt berý qashan bastalatynyn aıtty.

- Bıyl erte jeńildetilgen kredıt berý baǵdarlamasy aıasynda qarjylandyrý kólemi alǵash ret 1 trln teńgege jetti. Vegetatsııalyq kezeńniń qorytyndysy boıynsha 1,8 mln tonna mıneraldyq tyńaıtqysh engizildi, bul ǵylymı negizdelgen qajettiliktiń 56%-yna teń. Elıtalyq tuqymdardyń úlesi 9,5%-dan 11,5%-ǵa deıin ósti, - dedi Aıbardek Saparov.

Aıtýynsha, erte qarjylandyrý baǵdarlamasy kelesi jyly da jalǵasady.

- 1 qazannan bastap 2026 jylǵy kóktemgi dala jumystaryna ótinim qabyldaý bastaldy. Qarashanyń ekinshi onkúndiginen bastap sharýalarǵa revolverlik kredıt berý ashylady. Bul bir kepildikpen jyl saıyn nesıe alýǵa múmkindik beredi, - dedi mınıstr.

Aıta keteıik, Úkimet búgin egin jınaý naýqanyn qorytyndylap, sporttyq ınfraqurylymdy damytý máselesin pysyqtap jatyr.