Qarashanyń qara sýyǵy burqasynǵa ulasady

ALMATY. KAZINFORM — «Qazgıdromet» RMQ 8 qarashaǵa arnalǵan aýa raıy boljamyn jarııalady. 

Sınoptıkterdiń boljamynsha, Atlant muhıtynyń tsıklony áserinen Qazaqstannyń basym bóliginde aýa raıy turaqsyz bolady, jańbyr men qar túrinde jaýyn-shashyn kútiledi, tuman, kóktaıǵaq jáne tómengi burqasynmen birge jeldiń kúsheıýi boljanady. Tek respýblıkanyń ońtústigi men ońtústik-shyǵysynda jaýyn-shashynsyz aýa raıy kútiledi.

Aýa temperatýrasynyń negizgi fony kúndiz batys óńirlerde +5…+15°S, soltústik-batysta 0…+10°S, soltústik, shyǵys jáne ortalyq aımaqtarda -3…+2°S, al ońtústik jáne ońtústik-shyǵysta +5…+15°S shamasynda bolady.

Aýa raıynyń qolaısyzdyǵyna baılanysty, Astanadaǵy kólik keptelisi 10 balǵa jetti.