Qarashadan bastap satylymǵa shyǵatyn «777» memnómiri kem degende 400 myń teńge bolady - Igor Lepeha
ASTANA. QazAqparat - Qazaqstanda qarasha aıynan bastap tańdaýly, aıryqsha nómirler satyla bastaıdy. Bul týraly búgin OKQ-de ótken brıfıngte QR ІІM Ákimshilik polıtsııa komıtetiniń tóraǵasy Igor Lepeha málimdedi.
«Budan buryn aıtqanymyzdaı, ákimshilik jaýapkershilik salasyndaǵy jol erejesi týraly zań mamyr aıynda kúshine enip qoıǵan bolatyn. Basqa da naqty sharalar qazannyń sońyna deıin qabyldanady. Al shamamen qarashanyń alǵashqy kúnderinen bastap, atalǵan nómirler satylymǵa shyǵarylady», - dedi I.Lepeha.
Ol sondaı-aq mundaı nómirlerdiń baǵasyn da aıtty. «Baǵaǵa qatysty eki kategorııa bar. Baǵa AEK-ke tikeleı baılanysty. Eger kelesi jyly AEK ósse, baǵa da kóteriledi. Búginde «100» nómiri 237 myń teńgege baǵalanyp otyr. Al «777» nómiri kem degende 400 myń teńge bolady. ıAǵnı, qazirden bastap aqsha jınaı berseńizder, qarashada osyndaı qymbat nómirlerdi satyp alasyzdar», - dedi I. Lepeha.
