Qarashadan bastap quramynda kodeın bar Solpadeın, ıÝnıspaz, Pentalgın-P, Antızpazm sııaqty dáriler tek retsept boıynsha bosatylatyn bolady

dep habarlady QR Densaýlyq saqtaý mınıstrliginiń baspasóz qyzmetinen.

Vedomstvonyń atap ótýinshe, búgingi kúni Qazaqstan Respýblıkasynda quramynda kodeın bar 18 ataýly dári-dármek tirkelgen. Mundaı dári-dármekterdiń 7 ataýy baqylaýda tur, 11-i - baqylaýdan alynǵan.

«Aǵymdaǵy jylǵy qarasha aıynan bastap quramynda kodeın bar Solpadeın, ıÝnıspaz, Pentalgın-P, Antızpazm sııaqty dárilik quraldar tek retsept boıynsha bosatylatyn bolady. Mundaı sharany qoldaný sebebi - bul preparattardy teris paıdalaný jaǵdaılary jıilep, «dárilik nashaqorlyqtyń» beleń ala bastaýy. Qazirgi kezde esirtkige táýeldi adamdar (ásirese jastar) olardy belsendi qoldanatyn bolǵan», - delingen habarlamada.

Solardyń biri dezomorfın nemese «Qoltyraýyn» búgingi kúni Reseıde geroınnen keıingi keń taralǵan jasyryn esirtki bolyp tabylady (naryqtyń tórtten birinen astam bóligin quraıdy) jáne taralý kólemi kúrt ósýde. Onyń sebebi - quramynda kodeın bar preparattardyń qoljetimdiligi bolyp otyr (kópshiligi retsepsiz satylady). Úı jaǵdaıynda kodeındi dezomorfınge aınaldyrý reaktsııasyn jasaý qıyn emes. Tıisinshe, ońaı qoljetimdi, sondaı-aq artyq kólemde paıdalanýdan kisi ólimine soqtyratyn asa qaýipti esirtkige aınalyp otyr.

Narkolog-mamandardyń saraptamalary boıynsha mundaı esirtki quraldaryn paıdalaný qalpyna kelmeıtin asa aýyr saldarlarǵa ákeledi. Aǵzanyń demde azýyna ákep soǵady. Bul dárilik quraldardy uzaq paıdalaný kúızeliske, sandyraqqa, ózine qol jumsaýǵa aparady. Immýnıtettiń tómendeýi teriniń jáne aǵzanyń ishki qurylysynyń irińdeýine, qannyń jalpy zararlanýyna ákeledi. AITV ınfektsııasyn, gepatıt juqtyrý táýekeli artyp, ólimge ákep soqtyrady. Quramynda kodeın bar dárilerden jasalǵan esirtki quraldary adamdy ózine tez táýeldi etip, odan arylý asa qıyn soǵady.

Sońǵy kezderi Qazaqstanda qoldan beıbereket jasalǵan dezomorfındi qoldaný jaǵdaılary jıilep ketti. Aǵymdaǵy jyldyń basynda Pavlodar oblysynda atalǵan nárseniń jasyryn óndirisin jolǵa qoıǵan Reseı azamaty ustaldy. Eskirtkimen kúres basqarmasynyń qyzmetkerleri bul «zerthananyń» qyzmetin toqtatyp, ustalǵan shetel azamaty sottaldy.

Qazaqstan Respýblıkasynyń Іshki ister mınıstrligi jyl saıyn tórt kezeńnen turatyn keń aýqymdy «Dopıng» jedel aldyn alý is-sharasyn ótkizip turady. Atalǵan is-shara baqylaýdaǵy esirtki quraldaryn, psıhotroptyq zattar men prekýrsorlardyń kontrabandalyq jetkizilýin jáne shyǵarylýyn, sonymen qatar olardyń zańsyz aınalymǵa túsý faktilerin anyqtaý jáne jolyn kesýge baǵyttalady.

Aǵymdaǵy jyly respýblıka aýmaǵynda ótkizilgen «Dopıng» operatıvtik-profılaktıkalyq operatsııasynyń 3 kezeńinde 336 dárihana, 282 emdeý-profılaktıkalyq mekeme, 216 ónerkásiptik kásiporyn tekserildi. Esirtki quraldary, psıhotroptyq zattar men prekýrsorlardyń zańdy aınalymy salasynda 174 quqyq buzýshylyq jaǵdaıy anyqtaldy. 14 fakti boıynsha qylmystyq is qozǵalyp, 51 tulǵa, onyń ishinde 20 medıtsınalyq qyzmetker, 31 laýazymdy tulǵa ákimshilik jaýapkershilikke tartyldy.

2 myńǵa jýyq esirtkige qoldanylatyn dárilik quraldar, 8 myńdaı tabletka (relanıým, fenobarbıtal, relıým, nozepam ı t.d.), 1630 psıhotropty zattar (morfın, metadol, fentantıl t.b.) jáne 307 tonna prekýrsorlar (tuz jáne kúkirt qyshqyly) zańsyz aınalymnan shyǵaryldy.

Búgingi tańda QR ІІM esirtki bıznesimen kúres jónindegi komıteti jáne QR DSM Medıtsınalyq jáne farmatsevtıkalyq qyzmetti baqylaý komıteti arasynda birlesken buıryqqa qol qoıyldy. Maqsat - esirtki paıdalaný, onymen baılanysty quqyq buzýshylyqtardyń jáne jıilep ketken quramynda kodeın, tropıkamıd bar dárilik quraldardy teris paıdalanýǵa qarsy profılaktıkalyq is-sharalardy qamtamasyz etý.

Osyǵan baılanysty QR Іshki ister jáne Densaýlyq saqtaý mınıstrlikteri joǵaryda atalǵan dárilik quraldardy jiberý tártibiniń saqtalýyna qatysty birlesken tekserister júrgizetin bolady.

Qazirgi ýaqytta Qazaqstanda quramynda paratsetamol, ıbýprofen bar tirkeýden ótken jáne medıtsınalyq qoldanylatyn dárilik quraldar sany jetkilikti. Tıisinshe, quramynda kodeın bar dárilik quraldardy tek dárigerdiń retseptimen jiberý jónindegi sheshim Qazaqstan Respýblıkasy halqynyń, ásirese ósip kele jatqan jas býynnyń densaýlyǵyn saqtaý jáne qorǵaý maqsatynda qabyldanyp otyr.