Qarashada jumyssyzdyq deńgeıi 5,4 paıyz boldy
ASTANA. 13 jeltoqsan. QazAqparat /Qanat Mámetqazyuly/ - Respýblıka ekonomıkasynda 2011 jylǵy qarashada (baǵalaý boıynsha) 8,5 mln. adam jumyspen qamtyldy.
Ótken jylǵy uqsas kezeńge qaraǵanda olardyń sany 347,2 myń adamǵa nemese 4,3 paıyzǵa kóbeıdi. Jaldamaly qyzmetkerlerdiń sany atalǵan kezeńde 5,7 mln. adamdy qurady. Atalǵan kórsetkish jumyspen qamtylǵandardyń jalpy sanynan 67,2 paıyzyna teń. Bul týraly Statıstıka agenttiginen habarlandy.
Agenttik málimetterine qaraǵanda, aǵymdaǵy jylǵy qarashada jumyssyzdar sany, baǵalaý boıynsha, 482,8 myń adamdy, jumyssyzdyq deńgeıi 5,4 paıyzdy qurady. Qazaqstan Respýblıkasy Eńbek jáne halyqty áleýmettik qorǵaý mınıstrliginiń jumyspen qamtý organdarynda 2011 jylǵy qarasha aıynyń sońyna 82,6 myń adam resmı tirkelgen. Tirkelgen jumyssyzdar úlesi ekonomıkalyq turǵydan belsendi halyqtyń 0,9 paıyzyn qurady. Bul kórsetkish 2010 jylǵy qarashada 0,6 paıyzdy quraǵan bolatyn. Sonymen qatar, 2011 jylǵy qarashada baǵalaý boıynsha jasyryn jumyssyzdyq deńgeıi ekonomıkalyq turǵydan belsendi halyqtyń 0,4 paıyzyn quraǵan.
