Qarashada jasyryn jumyssyzdyq deńgeıi ekonomıkalyq turǵydan belsendi halyqtyń 0,5 paıyzyn qurady

ASTANA. 12 jeltoqsan. QazAqparat - Respýblıka ekonomıkasynda 2013 jylǵy qarashada, baǵalaý boıynsha 8,6 mln. adam jumyspen qamtyldy. Ótken jylǵy sáıkes kezeńge qaraǵanda olardyń sany 117,1 myń adamǵa nemese 1,4%-ǵa kóbeıdi. Jaldamaly qyzmetkerlerdiń sany atalǵan kezeńde 6,0 mln. adamdy (jumyspen qamtylǵandardyń jalpy sanynan 69,5%) qurady.

«2013 jylǵy qarashada jumyssyzdar sany, baǵalaý boıynsha 468,1 myń adamdy, jumyssyzdyq deńgeıi 5,2% qurady. Qazaqstan Respýblıkasy Eńbek jáne halyqty áleýmettik qorǵaý mınıstrliginiń jumyspen qamtý organdarynda 2013 jylǵy qazan aıynyń sońyna 44,2 myń adam («Jumyspen qamtý jol kartasy - 2020» baǵdarlamasyna qatysatyndar quramyna engizilgen tulǵalardyń esebinsiz) resmı tirkelgen. Tirkelgen jumyssyzdar úlesi ekonomıkalyq turǵydan belsendi halyqtyń 0,5%-yn qurady (2012 jylǵy qarashada - 0,5%)», - delingen QR Statıstıka agenttiginiń málimetinde.

2013 jylǵy qarashada baǵalaý boıynsha jasyryn jumyssyzdyq deńgeıi ekonomıkalyq turǵydan belsendi halyqtyń 0,5 paıyzyn qurady.