Qarashada tutynýshylyq suranymnyń kemýi iskerlik belsendiliktiń tómendeýine sebep boldy
ASTANA. 12 jeltoqsan. QazAqparat - Ónerkásip kásiporyndarynyń basshylary 2012 jyldyń qarashasynda ótken aımen salystyrǵanda daıyn ónimge suranystyń kemýin jáne ónerkásip kóleminiń azaıýyn atap ótti, bul olardyń iskerlik belsendiliginiń kemýin aıǵaqtaıdy.
QR Statıstıka agenttiginiń málimetinshe, iskerlik belsendiliginiń ózgerýin sıpattaıtyn kásipkerliktiń senimdilik ındeksi ótken aımen salystyrǵanda 3 paıyzdyq tarmaqqa kemip, (+10)% qurady.
Ónerkásip kásiporyndary basshylarynyń baǵalaýy boıynsha jaqyn aradaǵy keleshekte 2013 jylǵy aqpanǵa deıin iskerlik belsendiliktiń ósýi kútiledi.
2012 jylǵy qarashada ótken aımen salystyrǵanda tutynýshylyq suranymnyń kemýi, saýda kásiporyndary basshylarynyń baǵalaýy boıynsha, olardyń iskerlik belsendiliginiń tómendeýine sebep boldy. Kásipkerliktiń senimdilik ındeksi 2 paıyzdyq tarmaqqa kemip, (+3)% qurady.
2013 jylǵy aqpanǵa deıin aǵymdaǵy ýaqytpen salystyrǵanda, 66% kásiporyn óziniń qarjylyq - sharýashylyq qyzmetiniń ózgerissiz qalýyn, 20% - jaqsarýyn jáne 11% -nasharlaıtyndyǵyn atap ótýde.
