Qarashada ónerkásip ónimderin óndirýshi kásiporyndarda baǵalar 6,2 paıyzǵa qymbattady

dep habarlaıdy QazAqparat QR Statıstıka agenttigine silteme jasap.

  Agenttiktiń taratqan aqparatyna sáıkes, aǵymdaǵy jylǵy qarashada onyń aldyńǵy aımen salystyrǵanda baǵalar ken óndirý ónerkásibinde - 9, óńdeý ónerkásibinde - 2,6, elektr energııasyn, gaz jáne sýdy óndirý men taratýda - 1,3 paıyzǵa joǵarylaǵan.  

 Ótken aıda baǵanyń ósimi munaıǵa - 11,6, benzınge - 9,6, tabıǵı gazǵa - 3,5, gaz kondensatyna - 2,4, elektr energııasyna - 1,6 jáne jylý energııasyna - 1,3 paıyzǵa tirkeldi, al dızel otyny - 2,2 jáne kómir - 1,9 paıyzǵa arzan boldy.

 Baǵalar sondaı-aq, qorǵasynǵa - 10,7, ferroqorytpalarǵa - 9, myryshqa  -7,8, qymbat metaldarǵa -2,8, óńdelmegen alıýmınııge - 2,4 jáne mysqa - 1,5 paıyzǵa joǵarylady.

 Azyq-túlik ónimder naryǵynda qant - 4,3, margarın - 2,8, sút ónimderi - 2,5, shaı - 1,9 jáne balyq - 0,8 paıyzǵa qymbattasa, kerisinshe, jarmalar - 18,8, bıdaı jáne qara bıdaı uny - 7,2, nan - 1,6  jáne makaron ónimderi - 1,5 paıyzǵa arzandady.