Qarashada munaı baǵasy kóterile bastady
«Qaıtadan karantın sharalaryn engizý yqtımaldyǵynyń ósýi saldarynan qazannyń sońyna qaraı munaı bir barrel úshin 37,5 AQSh dollarǵa deıin edáýir tómendedi. Bul munaıǵa suranystyń álsireýin bildiredi. Bir aıda tómendeý 8,5 paıyz boldy. Osy aıdyń basynan beri shekteýlerdi uzartý ne qosymsha qysqartýlar múmkindigin qarastyrý kútiletin aǵymdaǵy jylǵy 30 qarasha men 1 jeltoqsandaǵy OPEK+ otyrysynyń qarsańynda munaı baǵasy birtindep óse bastady», - dedi UB tóraǵasy.
Onyń atap ótýinshe, keshe Pfizer jáne BioNTech kompanııalarynan vaktsınany sátti synaqtan ótkizgeni týraly jańalyqtyń aıasynda munaı baǵasy bir kúnde 7,5 paıyzǵa kóterilip, bir barrel úshin 42,4 AQSh dollaryna deıin ósti.
«Álemdik ekonomıkanyń daǵdarystyń jańa kezeńine kirýi jáne syrtqy naryqtardaǵy joǵary belgisizdik AQSh dollary ındeksiniń ósýine alyp keldi. Bul altyn jáne damýshy elder valıýtalarynyń qunyna áser etti. Osy jylǵy 9 qarashada AQSh dollary ındeksiniń tómendeýi jáne AQSh-taǵy prezıdenttik saılaý jaǵdaıynyń anyqtalýy aıasynda altyn bir ýntsııa úshin 0,8 paıyzǵa 1863 AQSh dollaryna deıin arzandady», - dedi Erbolat Dosaev.
