Qarashada Qostanaı oblysynda aıaz ben jylymyq almasady
ASTANA. KAZINFORM — Qarasha aıynda Qostanaı oblysynyń turǵyndaryn aýa raıynyń kúrt qubylýy, qar jaýyp, boran soǵýy jáne qatty jel kútilýde. Soǵan qaramastan, sınoptıkterdiń boljamynsha, bıylǵy qarasha aıy ádettegiden jylyraq bolady, dep Kazinform agenttiginiń tilshisi habarlady.
Sınoptıkterdiń boljamyna sáıkes, aılyq ortasha aýa temperatýrasy -1,3 pen -4,6 gradýs aralyǵynda bolady. Bul klımattyq normadan shamamen 2 gradýsqa joǵary.
Qarasha aıynyń basynda kún jylynady. Kúndiz aýa temperatýrasy +7…+12 gradýsqa deıin kóterilse, oblystyń ońtústiginde +15 gradýsqa jetýi múmkin. Alaıda artynsha kún kúrt sýytady. Túnde aýa temperatýrasy -8…-13 gradýsqa deıin tómendep, keı jerlerde -18 gradýs aıaz bolady. Kúndiz -2…-7 gradýs shamasynda saqtalady. Birinshi onkúndiktiń sońyna qaraı kún qaıta jylyp, aýa temperatýrasy +5 gradýsqa deıin kóteriledi.
Aıdyń ortasynda da aýa raıy qubylmaly bolady. Túnde -8…-13 gradýs, keı jerlerde -18 gradýs aıaz kútiledi. Kúndiz aýa temperatýrasy -2…-7 gradýs aralyǵynda bolady. Keıin kúndiz +5 gradýsqa deıin jylynǵanymen, ekinshi onkúndiktiń sońyna qaraı qaıtadan azdap aıaz túsedi.
Qarasha aıynyń sońynda qysqa merzimdi jylynýdan keıin kún qaıta sýytady. Túnde aýa temperatýrasy -10…-15 gradýsqa deıin tómendep, oblystyń soltústiginde -18 gradýs aıaz bolýy múmkin. Kúndiz -3…-8 gradýs aıaz kútiledi.
Aıdyń basynda jańbyr men jańbyr aralas qar jaýýy yqtımal. Keıin qar jaýyp, jer betinde burqasyn men boran bolýy múmkin. Sonymen qatar tuman túsip, kóktaıǵaq qalyptasýy yqtımal.
Aı boıy jeldiń jyldamdyǵy sekýndyna 15–20 metrge deıin kúsheıýi múmkin.
Jaýyn-shashyn mólsheri oblystyń soltústiginde klımattyq normadan kóp, al ońtústiginde qalypty deńgeıde bolady dep boljanyp otyr.
