Qarashada Qazaqstan Respýblıkasyndaǵy ınflıatsııa 0,7 paıyzdy qurady
ASTANA. 4 jeltoqsan. QazAqparat - Azyq-túlik taýarlaryna baǵa ótken aıda 0,7%-ǵa, azyq-túlik emes taýarlarǵa - 0,4%, aqyly qyzmetterge - 1,1% ósti.
Bul týraly QR Statıstıka agenttiginiń baspasóz qyzmeti habarlady.
Ótken aıda baǵanyń joǵarylaýy jumyrtqaǵa 4,7%-ǵa, kúnbaǵys maıyna - 1,8%, makaron ónimderine - 1,7%, sút ónimderine, tuzdalmaǵan sary maıǵa - 1%-dan, unǵa - 0,9%, jemister jáne kókónisterge - 0,8%, etke jáne qus etine - 0,6%, balyq jáne teńiz ónimderine, shaıǵa - 0,4%-dan belgilendi. Baǵanyń tómendeýi qantqa 1,2%-ǵa tirkeldi.
Baǵa temeki ónimderine 1,9%-ǵa, qatty otynǵa - 1,4%, gazetter jáne merzimdik basylymdarǵa - 0,8%, kıim jáne aıaq kıimge - 0,6%, turmystyq aspaptarǵa - 0,5%,turmystyq toqyma buıymdarǵa - 0,4%, jýǵysh jáne tazalaǵysh quraldarǵa - 0,3%, jeke kútimge arnalǵan taýarlarǵa - 0,2%-ǵa ósti.
Baǵa deńgeıi densaýlyq saqtaý salasynda 1,2%-ǵa, demalys, oıyn-saýyq jáne mádenıet salasynda - 0,6%, kólikte - 0,3%, meıramhanalar men qonaq úıler qyzmetterinde - 0,2%-ǵa ósti. Poshta qyzmetterine baǵa 37,3%-ǵa qymbattady.
Turǵyn úı-kommýnaldyq qyzmetter salasynda tarıfter ystyq sýǵa 3,7%-ǵa, ortalyq jylytýǵa - 2,9%, qoqys jınaýǵa - 2,6%, turǵyn úıdi kútip ustaýǵa - 0,5%, sýyq sýǵa - 0,2%-ǵa joǵarylady.
