Qarashada elimizdegi ınflıatsııa 3,7 paıyzdy qurady

Komıtet málimetine qaraǵanda, ótken aıda baǵanyń ósýi jańa jınalǵan kókónisterge 16,4 aıyz, jumyrtqaǵa - 9,4 paıyz, kúnbaǵys maıyna - 7,5 paıyz, qaraqumyq jarmasyna - 6,7 paıyz, balyq jáne teńiz ónimderine - 6,3 paıyz, záıtún maıyna - 5,3 paıyz, jemisterge - 5,2 paıyz, kofege - 5,1 paıyzdy qurady. Sonymen qatar esepti kezeńde baǵa ósimi shıki sútke - 4,7 paıyzǵa, salqyndatylǵan sýsyndarǵa - 4,4 paıyz, toqash jáne unnan daıyndalatyn ónimderge - 4,3 paıyz, kondıterlik ónimderge - 4,2 paıyz, unǵa - 3,6 paıyz, nanǵa - 3,5 paıyz, kartopqa - 3,2 paıyz, arpa jarmasyna - 3 paıyz, makaron ónimderine - 2,9 paıyz, taýyqqa - 2,8 paıyz, kúrishke - 2,7 paıyzǵa, konservilengen sútke, shaıǵa - 2,4 paıyzdan, shujyq, et ónimderine - 2 paıyzǵa belgilengen.

Budan bólek, baǵa ósimi avtomobılderge - 10,1 paıyz, kıim jáne aıaq kıimge - 9,1 paıyz, jeke kólik quraldaryna arnalǵan qosalqy bólshekter men kerek-jaraqtarǵa - 8,1 paıyz, farmatsevtıkalyq ónimderge - 8 paıyz, turmystyq aspaptarǵa - 7,9 paıyz, shyny jáne qysh buıymdaryna, kitaptarǵa - 7,8 paıyzdan, toqyma buıymdaryna - 7,7 paıyz, jıhaz jáne úıge qajetti zattarǵa, jeke paıdalanýǵa arnalǵan taýarlarǵa - 5,9 paıyzdy qurady. Motor maıy - 9,2 paıyz, dızel otyny - 1,5 paıyzǵa qymbattaǵan.

«Baǵa deńgeıi keshendi demalystardy uıymdastyrý qyzmetterine 5,7 paıyz, jolaýshylardyń áýe kóligimen jol júrý aqysy - 4,5 paıyz, densaýlyq saqtaý qyzmetterine - 3,8 paıyz, qoǵamdyq tamaqtandyrý - 2,3 paıyz, turǵyn úı-jaılardy jóndeý jáne qyzmet kórsetý boıynsha - 2,1 paıyzǵa ósti. Tólemder júrgizgeni úshin aqy 6,9 paıyzǵa joǵarylady. Turǵyn úı-kommýnaldy qyzmetter salasynda tarıfter ortalyqtan jylytýǵa 5,2 paıyz, ystyq sýǵa - 3,5 paıyz, sýyq sýǵa - 1,2 paıyz, turǵyn úıdi kútip ustaýǵa - 1 paıyz, kárizge - 0,3 paıyzǵa joǵarylady», - delingen baspasóz baıanynda.