Qarasha aıynda Ulttyq banktiń halyqaralyq rezervteri 4,1 paıyzǵa tómendedi
ALMATY. 7 jeltoqsan. QazAqparat /Erbol Azanbek/ - Qarasha aıynda eýronyń jáne basqa valıýtalardyń AQSh dollaryna baǵamynyń tómendeýi esebinen Ulttyq banktiń taza halyqaralyq rezervteri 27,3 mıllıard AQSh dollaryna deıin,
ıaǵnı 4,1 paıyzǵa tómendedi (jyl basynan bastap - 21,0 paıyz ósti). Bul týraly búgin Ulttyq bankten ótken baspasóz máslıhatynda QR UB tóraǵasy Grıgorıı Marchenko aıtty.
G. Marchenkonyń aıtýynsha, qarashada bankterdiń Ulttyq banktegi shetel valıýtasyndaǵy korrespondenttik shottaryndaǵy qaldyqtarynyń tómendeýi oryn alǵan, sondaı-aq Ulttyq qordyń aktıvterin tolyqtyrý jónindegi operatsııalar júrgizilgen. Nátıjesinde, taza valıýta qorlary (EAV) 2010 jylǵy qarashada 4,9 paıyzǵa tómendep, altyndaǵy aktıvter 2,9 paıyzǵa ósken.
Qarasha aıynda tutastaı alǵanda eldiń halyqaralyq rezervteri Ulttyq qordyń shetel valıýtasyndaǵy aktıvterin (30,2 mlrd. AQSh doll.) qosa alǵanda 0,6 paıyzǵa tómendep 58,0 mlrd. AQSh dollaryn quraǵan (jyl basynan beri - 22,3 paıyz ósti).
