Qarasha aıynda teńgeniń AQSh dollaryna baǵamy 147,28-147,69 teńge aralyǵynda boldy - QR Ulttyq banki
ALMATY. 7 jeltoqsan. QazAqparat /Erbol Azanbek/ - 2010 jylǵy qarashada teńgeniń AQSh dollaryna baǵamy 1 AQSh dollary úshin 147,28-147,69 teńge aralyǵynda boldy.
Bul týraly búgin QR Ulttyq bankinde ótken aıdyń qorytyndysyna arnalǵan baspasóz máslıhatynda aıtyldy.
Jalpy alǵanda qarashada teńge ózgergen joq jáne aıdyń aıaǵynda teńgeniń bırjalyq baǵamy bir AQSh dollary úshin 147,58 teńge boldy. Qazaqstan Qor bırjasyndaǵy bırjalyq operatsııalar kólemi qosymsha saýda-sattyqtaǵy mámilelerdi eskere otyryp 2010 jylǵy qazanmen salystyrǵanda 27,4 paıyzǵa ósip, 5,7 mlrd. AQSh dollaryna jetti. Bırjadan tys valıýta naryǵynda operatsııalar kólemi 24,9 paıyzǵa tómendep, 3,4 mlrd. AQSh dollaryn quraǵan.
