Qarasha aıynda qazaqstandyq qyzmetkerdiń ortasha jalaqysy 142 myń teńge
ASTANA. QazAqparat - 2016 jylǵy qarashada bir qyzmetkerdiń ortasha aılyq ataýly jalaqysy baǵalaý boıynsha 142 088 teńgeni qurady, dep habarlaıdy QR Ulttyq ekonomıka mınıstrligi Statıstıka komıtetiniń baspasóz qyzmeti.
«Ekonomıkalyq sektorda qysqa merzimdi ekonomıkalyq ındıkator 2016 jylǵy qańtar-qarashada 2015 jylǵy qańtar-qarashaǵa qaraǵanda 100,5% qurdy. Qysqa merzimdi ekonomıkalyq ındıkatordy esepteý jedeldilikti qamtamasyz etý maqsatynda júzege asyrylady jáne JІÓ-ń 60%-n asa quraıtyn aýyl sharýashylyǵy, ónerkásip, qurylys, saýda, kólik jáne baılanys sııaqty negizgi salalar boıynsha shyǵarylym ındeksteriniń ózgerýine negizdeledi», delingen habarlamada.
2016 jylǵy qańtar-qarashada negizgi kapıtalǵa salynǵan ınvestıtsııalar kólemi 6599,1 mlrd teńgeni qurdy, bul 2015 jylǵy qańtar-qarashaǵa qaraǵanda 4,7% artyq.
2016 jylǵy qańtar-qarashada ónerkásip óndirisiniń kólemi qoldanystaǵy baǵalarda 16 663,7 mlrd teńgeni qurdy, bul 2015 jylǵy qańtar-qarashaǵa qaraǵanda 1,4% azaıdy. Óńdeý ónerkásibinde óndiris kólemi 0,5%, elektrmen jabdyqtaý, gaz, bý berý jáne aýa baptaýda 0,3% artty. Ken óndirý ónerkásibinde jáne karerlerdi qazýda óndiris kólemi 3,1%, sýmen jabdyqtaýda, káriz júıesi, qaldyqtardy jınaý jáne bólýdi baqylaýda 4,7% tómendedi.
2016 jylǵy qańtar-qarashada aýyl sharýashylyǵy jalpy óniminiń kólemi 3410,8 mlrd teńgeni qurap, 2015 jylǵy qańtar-qarashaǵa qaraǵanda 4,5% artty.
2016 jylǵy qańtar-qazanda syrtqy saýda aınalymy 49 274,4 mln dollardy qurap, 2015 jylǵy kańtar-qazanmen salystyrǵanda 24,4% tómendedi, onyń ishinde eksport - 29 074,5 mln dollarǵa (25,9% az), ımport - 20 199,9 mln dollarǵa azaıdy (22,2% az).
2016 jylǵy 1 jeltoqsandaǵy jaǵdaı boıynsha tirkelgen zańdy tulǵalardyń sany 382 077 birlikke jetti. Bul kórsetkish ótken jylǵy sáıkes kezeńmen salystyrǵanda 6,5% artty, onyń ishinde 100 adamnan kem qyzmetkerleri bar mekemeler sany 373 092. Jumys istep turǵan zańdy tulǵalardyń sany 235 471 qurady, onyń ishinde 226 946 birlik shaǵyn kásiporyndar (100 adamnan kem).
Áleýmettik sektorda 2016 jylǵy qazanda halyqtyń orta eseppen jan basyna shaqqandaǵy ataýly aqshalaı tabystary baǵalaý boıynsha 73 898 teńgeni qurady, bul 2015 jylǵymen salystyrǵanda 1,2% joǵary, al naqty aqshalaı tabys kórsetilgen kezeńde 9,2% tómendedi.
2016 jylǵy qarashada bir qyzmetkerdiń ortasha aılyq ataýly jalaqysy baǵalaý boıynsha 142 088 teńgeni qurady.
Qarasha aıynda elimizdegi jumyssyzdar sany baǵalaý boıynsha 444,9 myń adamdy qurady. Jumyssyzdyq deńgeıi jumys kúshi (ekonomıkalyq belsendi halyq) 5% boldy.
