Qarasha aıynda elimizdiń turǵyn úı naryǵynda baǵalardyń óskendigi baıqaldy

Bul týraly QR Statıstıka agenttiginiń baspasóz qyzmetinen habarlandy.

Atap aıtqanda, agenttik málimetteri boıynsha, qarasha aıynda onyń aldyndaǵy aımen salystyrǵanda kórkeıtilgen turǵyn úılerdi jalǵa berý jáne olardy satý baǵalary 0,5 paıyzǵa artqan. Al osy naryqtaǵy jańa úılerdi satý baǵasy 0,7 paıyzǵa ósse, kórkeıtilmegen turǵyn úılerdi satý baǵasy 0,8 paıyzǵa ósti.

Bul rette Statıstıka agenttiginiń málimetteri boıynsha, jańadan salynǵan turǵyn úılerdiń ortasha baǵasy sharshy metrine 151 myń 685 teńgeni quraǵan. Ekinshi naryqtaǵy kórkeıtilgen turǵyn úılerdiń ortasha baǵasy qarasha aıynda 113 myń 486 teńge bolsa, odan tómengi sanattaǵy úılerdiń baǵasy 67 myń 676 teńgeni quraǵan.