Qarasha aıynda elimizdegi iri jáne orta kásiporyndarǵa 68,3 myń adam jumysqa qabyldandy

ASTANA. 12 jeltoqsan. QazAqparat /Qanat Mámetqazyuly/ - Qarasha aıynda elimizdegi iri jáne orta kásiporyndar men uıymdarǵa 68,3 myń adam jumysqa qabyldandy. Bul týraly Statıstıka agenttiginiń baspasóz qyzmetinen habarlandy.

«Jedel derekterge sáıkes, iri jáne orta kásiporyndarǵa jáne uıymdarǵa 2011 jylǵy qarashada 68,3 myń adam qabyldandy, túrli sebeptermen - 70,0 myń adam jumystan ketti. Jumystan ketken qyzmetkerlerdiń arasynda óz erki boıynsha jumystan bosatylǵandar 79,5 paıyzdy, qyzmetkerler sanynyń qysqarýyna baılanysty bosatylǵandar 2,7 paıyzdy, basqa sebepter boıynsha qysqarǵandar 17,8 paıyzdy quraıdy», - delingen baspasóz aıǵaǵynda.

Bul rette agenttik málimetterine sáıkes, 2011 jylǵy qarasha aıynda qabyldaý boıynsha aınalym koeffıtsıenti 2,2 paıyzdy, jumystan bosatý boıynsha aınalym - 2,3 paıyz, jumys kúshiniń turaqsyzdyq koeffıtsıenti - 1,9 paıyzdy quraǵan. Osy kezeńde jumys kúshin aýystyrý koeffıtsıenti 97,6 paıyzdy qurady.