Qarasha aıynda bir aýysymda 750 kelýshini qabyldaıtyn jańa emhana ashylady
ASTANA. 21 tamyz. QazAqparat - 2013 jylǵy qarashada Astanada Saryarqa aýdanynda bir aýysymda 750 kelýshini qabyldaıtyn jańa emhana ashylady. Bul týraly astana.kz saıtyna qalalyq Densaýlyq saqtaý basqarmasynan habarlady.
Halyqqa sapaly medıtsınalyq kómek kórsetý maqsatynda jyl sońyna deıin Astana qalasynyń Almaty-2, Seıfýllın, Jambyl kósheleriniń aýmaǵynda jańa ambýlatorlyq-emhanalyq keshen (bir aýysymda 500 kelýshige arnalǵan eresekter emhanasy men 250 kelýshige arnalǵan balalar emhanasy) ashý josparlanǵan.
«Jańa densaýlyq saqtaý mekemesinde elorda turǵyndaryna qazirgi zamanǵy standarttarǵa sáıkes medıtsınalyq kómek kórsetiledi, eresekter men balalarǵa medıtsınalyq járdem kórsetý úshin qolaıly jaǵdaılar jasalady», - delingen aqparatta.
Aıta keteıik, jyl saıyn Astana halqynyń sany 40 myńǵa artady. Nátıjesinde, jergilikti emhanalardyń jumysy kóbeıedi. Bul máseleni sheshý úshin elorda ákimi jyl saıyn jańa densaýlyq saqtaý nysandaryn salý arqyly ambýlatorlyq-emhanalyq qyzmetterdi keńeıtýdi kózdep otyr.
