Qarasha aıynda baspanany satý-satyp alý boıynsha kelisimderdiń sany azaıdy - Statıstıka agenttigi
ASTANA. 14 jeltoqsan. QazAqparat /Gúlmıra Alıakparova/ - Qazaqstanda 2011 jyldyń qańtar-qazanynda turǵyn úılerdi satý-satyp alý boıynsha 144 789 mámile jasaldy. Bul týraly búgin ótken brıfıngte QR Statıstıka agenttiginiń tóraǵasy Álıhan Smaıylov habarlady.
2011 jyldyń qarashasynda turǵyn úıdi satý-satyp alý mámileleriniń sany 14 922-ni qurap, onyń aldyńǵy aımen salystyrǵanda 5,8 paıyzǵa az boldy. Al ústimizdegi jyldyń qańtar-qarashasy aralyǵynda barlyǵy 144 789 mámile jasaldy. Bul ótken jyldyń tıisti kezeńine qaraǵanda 13,7 paıyzǵa kóp.
Ótken qarasha aıynda baspana boıynsha kelisimder eń kóp jasalǵan óńirlerdiń aldyńǵy bestigine - Shyǵys Qazaqstan oblysy (1 763), Almaty qalasy (1 729), Qaraǵandy oblysy (1 625), Astana qalasy (1 538) jáne Ońtústik Qazaqstan oblysy (1 273) enip otyr.
