Qarasha aıynda baspanany satý-satyp alý azaıdy

ASTANA. QazAqparat – Qazaqstanda bir aıda turǵyn úıdi satý-satyp alý mámileleriniń sany 1,6% azaıdy. Bul týraly Ulttyq statıstıka bıýrosynan málim etti, dep habarlaıdy QazAqparat.

2022 jylǵy qarashada turǵyn úıdi satý-satyp alý boıynsha 33 797 mámile tirkeldi. Onyń 8 myńy – jeke úıler, 27 797-si – páter. Bir aı burynǵy statıstıkamen (34 336) salystyrǵanda mámileler sany 1,6% azaıǵan. Kelisimderdiń úshten birinen astamy Almaty (7 071) jáne Astana (5 886) qalalarynda tirkeldi. Baspanaǵa qatysty saýda kelisimderi eń az Ulytaý oblysynda jasaldy – 394 mámile (1,2%).

2022 jylǵy qazanmen salystyrǵanda kópqabatty úılerden páter satý-satyp alý 559-ǵa azaıdy. Jalpy páterler boıynsha barlyǵy 25 797 mámile jasaldy – bul mámilelerdiń jalpy sanynyń 76,3%.

Bólmeler sany boıynsha 1 bólmeli páterler áli de kósh bastap tur – qarasha aıynda 10 368 kelisim rásimdeldi. Mámilelerdiń negizgi úlesi Almaty jáne Astana qalalaryna (61,6%) tıesili.

Al 2 bólmeli páter boıynsha 9 032 mámile jasaldy.

2022 jylǵy qazanmen salystyrǵanda jer úıge qatysty saýda kelisimderiniń sanybolmashy ǵana artyp, 8 myńdy qurady. Qazan aıymen salystyrǵanda jer úıler eń kóp Abaı oblysynda (+53 mámile) satyldy. Eń az satylym BQO-da (- 50 mámile) baıqaldy.