Qarasha aıynan bastap VII qysqy Azıada oıyndaryna bıletter satyla bastaıdy
ASTANA. Qazannyń 27-si. QazAqparat /Gúlnár Jandaǵulova/ - Aǵymdaǵy jyldyń qarasha aıynan bastap VII qysqy Azııa oıyndaryna bıletter satyla bastaıdy, dep habarlady Astana ákimi Imanǵalı Tasmaǵambetov óz blogynda.
«VII qysqy Azııa oıyndaryn uıymdastyrý jónindegi Atqarýshy dırektsııa Oıyn baǵdarlamasyna engizilgen is-sharalarǵa bıletter on-line júıesi arqyly jáne dástúrli ádispen - jarystar ótetin sporttyq nysandardyń kassalary arqyly satylatyndyǵy týraly sheshim qabyldady»,- deıdi ákim.
Astanada jarys ótetin nysandar - respýblıkalyq velotrek, «Qazaqstan» sport saraıy, konkımen syrǵanaý stadıony, «Astana-Arena» fýtbol stadıony bolsa, al Almatydaǵy nysandar - Balýan Sholaq atyndaǵy sport jáne mádenıet saraıy, «Medeý» kesheni, shańǵy tramplınderiniń halyqaralyq kesheni, «Shymbulaq» taý shańǵysy bazasy, shańǵy-bıatlon stadıony.
Ákimniń blogynda málim etilgendeı, «bıletterdiń satyla bastaıtyny týraly resmı málimdemeni dırektsııa qarasha aıynyń basynda jasaıdy».
Azııanyń Olımpıadalyq keńesi men Qazaqstannyń Týrızm jáne sport mınıstrligi qazir bılet qunyn kelisip boldy. Oıyndardyń ashylý rásimine bılet -120 AQSh dollary tursa, jabylý rásimine -100 dollar turatyn bolady. Al sporttyq jarystardyń bıletteriniń baǵasy 5 dollar men 120 dollardyń aralyǵyn qamtıdy.
