Qarasha aıynan bastap memlekettik organdarda tek elektrondyq qujattarmen almasýǵa jaǵdaı jasaldy-S. Sársenov
TANA. 17 qarasha. QazAqparat /Rýslan Ǵabbasov/ - Memlekettik organdardyń biryńǵaı júıesine qosylǵan vedomstvoaralyq elektrondyq qujat aınalymy qarasha aıynda 100 paıyzǵa jetkizildi. Bul týraly búgin Astanadaǵy «Elektrondyq qujat aınalymy júıesi. Ýaqyt talaby» konferentsııasynda QR Baılanys jáne aqparat vıtse-mınıstri Sáken Sársenov málim etti.
«Elektrondyq qujat aınalymy júıesin memlekettik organdarmen birlese engizip jatqanymyzǵa 10 jyl boldy. Osy jyldary biz bul júıege 86 memlekettik organdardy tarttyq. Osynyń arqasynda ortalyq memlekettik organdar men oblystyq, aýdandyq ákimdikter bir-birimen elektrondyq túrde qujattarmen almasýǵa múmkindik aldy»,-dedi ol.
2011 jyly elektrondyq qujattar men qaǵaz qujattar qatar júrgizilse, endi qarasha aıynan bastap osy júıede tek elektrondyq qujattarmen almasýǵa jaǵdaı jasaldy.
«Osy úrdis arqyly ýaqyt únemdeýge mol múmkindik jasalyp otyr»,-dedi vıtse-mınıstr.
Onyń sózine qaraǵanda, elektrondyq qujattar 5 jylǵa deıin muraǵatta saqtalady. Keıbir qujattar 10 jáne 75 jylǵa deıin saqtalýy tıis. «Ondaı qor bizde bar. Saqtalý merziminde zańnama aıasynda tarıhı mańyzdylyǵy men ózektiligi eskeriledi»,-dedi S. Sársenov.
Atap aıtqanda, konferentsııa jumysyna Polsha, Estonııa, Ýkraına, jáne Reseıden kelgen delegattar qatysýda.
