Qarasha aıynda 6 myńnan astam qazaqstandyq qyzylsha juqtyrdy – mınıstr
Densaýlyq saqtaý mınıstri Ajar Ǵınııat Úkimet otyrysynda eldegi epıdemıologııalyq ahýal týraly baıandady, dep habarlaıdy Kazinform.
«Álemniń 167 elinde qyzylsha boıynsha jaǵdaı kúrdelenip keledi. Elimizde osy jyly qyzylshanyń 17 myńnan astam jaǵdaıy tirkeldi. Onyń 82 paıyzdan astamy – balalar arasynda. Onyń ishinde vaktsına almaǵan balalar – 83 paıyz. Qyzylsha syrqaty barlyq óńirde tirkeldi. Joǵary deńgeı Shymkent qalasynda baıqalady – 3 myńnan astam jaǵdaı. Almaty qalasy men Jambyl oblysynda – 2 myńnan astam jaǵdaı, Almaty, Mańǵystaý, Aqtóbe, Qyzylorda jáne Atyraý oblystarynda 1 myńnan astam jaǵdaı tirkeldi», – dedi vedomstvo basshysy.
Mınıstrdiń sózinshe, syrqattaný jaǵdaılarynyń kúrt artýy qyrkúıek aıynan bastalǵan.
«ıAǵnı oqý jylynda uıymdasqan ujymdarda balalardyń jınalýyna baılanysty baıqalady. Saldarynan syrqattaný deńgeıi eki ese kóbeıdi. Qarasha aıynda 6 myńnan astam jaǵdaı tirkeldi», – dedi Ajar Ǵınııat.
Búgin Úkimet basshysy Álıhan Smaıylov qyzylshaǵa qarsy vaktsına alýdan basqa jol joq ekenin atap ótti.
Jeltoqsan aıynda Qazaqstanda 2-5 jastaǵy balalardy qyzylshaǵa qarsy egý bastalady.