Qarasaıdaǵy «Asyl arman» turǵyn úı kesheni tolyq karantınge jabyldy
TALDYQORǴAN. QazAqparat - Almaty oblysynyń Qarasaı aýdanyndaǵy «Asyl arman» turǵyn úı kesheni tolyq karantınge jabyldy, -dep habarlaıdy QazAqparat tilshisi.
Almaty oblysy ákimi baspasóz qyzmetiniń málimetinshe, keshenniń aýmaǵyn polıtseıler qorshaýǵa alǵan. Kezekshilikke áskerıler de jumyldyrylǵan. Karantınge jabylǵan aımaqqa dezınfektsııa jumystary keshendi júrgizilip turady. Sondaı-aq, turǵyndardyń densaýlyǵyn qadaǵalaý úshin, arnaıy dárigerlik ambýlatorııa qoıylyp, azyq-túlik te arzan baǵamen jetkiziledi.
Aıta keteıik, «Asyl arman» turǵyn úı keshenindegi 2 turǵynnan koronavırýs anyqtaldy. Onyń ishinde 1995 jylǵy áıeldiń aıaǵy aýyr. Buǵan deıin indet bir turǵynnan anyqtalǵan sátte sol turǵyn turatyn úıdiń podezi karantınge jabylǵan edi.
Jalpy Almaty oblysynda koronavırýsty 9 adam juqtyrǵan.
«Asyl arman» turǵyn úı kesheninde 21 úı, 5088 páter bar.
