Qarasaıda «Asyl arman» turǵyn úı keshenindegi karantın alyndy
TALDYQORǴAN. QazAqparat - Almaty oblysyndaǵy Qarasaı aýdandyq bas memlekettik sanıtarlyq dárigerdiń qaýlysyna sáıkes «Asyl arman» turǵyn úı keshenindegi karantın alyndy, dep habarlaıdy QazAqparat tilshisi óńir basshysynyń baspasóz qyzmetine silteme jasap.
Eske salsaq, oblystaǵy 3-shi syrqat 1995 jyly týǵan, júktiliktiń 21-22 aptasyndaǵy áıel «Asyl Arman» TK turǵyny bolatyn. Munan keıin osy turǵyn úı kesheninde turatyn 1957 jyly týǵan taǵy bir áıeldiń aýyrǵany anyqtalǵan edi. Koronavırýs ınfektsııasynyń budan ári taralýyna jol bermeý maqsatynda «Asyl Arman» turǵyn úı kesheninde 1 sáýirden bastap karantın engizilgen. Sol ýaqyttan beri turǵyn úı kesheni aýmaǵynda medıtsına qyzmetkerlerimen jáne tártip saqshylarymen birge áskerı-eriktiler de qyzmet etti.
Búgingi kúni turǵyn úı kesheniniń turǵyny, 1995 jyly týǵan áıel qaıtalaı analız alynǵannan keıin aýrýhanadan shyǵaryldy, al 1957 jyly týǵan turǵyn em qabyldap jatyr.
Qarym-qatynasta barlyǵy 23 adam bolǵany anyqtalyp, olardan vırýsologııalyq analız alynǵan, onyń qorytyndylary teris bolyp shyqty.
