Qarasaı aýdanyndaǵy «Asyl arman» turǵyn úı kesheni tolyq karantınge jabylýy múmkin
TALDYQORǴAN. QazAqparat - Almaty oblysynyń Qarasaı aýdanyndaǵy «Asyl arman» turǵyn úı kesheni tolyq karantınge jabylýy múmkin, dep habarlaıdy QazAqparat tilshisi.
«Oblys ákimi Amandyq Batalovtyń tapsyrmasymen Qarasaı aýdanynda ornalasqan «Asyl arman« turǵyn úı keshenine oblys ákiminiń orynbsary Batyrjan Baıjumanov pen oblystyń bas sanıtarlyq dárigeri Qaırat Baımuhambetov jolǵa shyqty. Olar sol jerde keshendi tolyq karantınge jabý máselesin qarastyrady. Bul jerde oblys ákiminiń tapsyrmasyna saı, turǵyndardyń qaýipsizdigin qamtamasyz etý, indettiń taralýyna jol bermeý máselesimen qatar keshen turǵyndarynyń qajettiligi máselesi talqylanady. Sońǵy sheshim qabyldanǵan sátte qosymsha aqparat beriledi»,- delingen oblysy ákiminiń baspasóz hatshysy Ǵalymurat Júkeldiń taratqan habarlamada.
Aıta keteıik, dál osy «Asyl arman» turǵyn úı kesheninde turatyn eki turǵynnan koronavırýs indeti anyqtaldy. Biri 1995jylǵy aıaǵy aýyr kelinshek bolsa, ekinshisi 1959 jyly týǵan áıel. Buǵan deıin dál osy keshendegi №6 úıdiń bir kireberisi karantınge jabylǵanyn habarlaǵan bolatynbyz.
Aıta keteıik, Almaty oblysynda 9 adam koronavırýs juqtyrǵan.
