Qarasaı aýdanynda dúken satýshylaryn pyshaqtap ketken kúdikti 6 jyldan soń ShQO-da ustaldy
TALDYQORǴAN. QazAqparat - Almaty oblysynda úsh dúken qyzmetkerin pyshaqtap, izin sýytqan kúdikti Shyǵys Qazaqstan oblysynda ustaldy, dep habarlaıdy QazAqparat tilshisi.
Almaty oblystyq Polıtsııa departamenti baspasóz qyzmetiniń málimetinshe, 2015 jyldyń sáýir aıynda Qarasaı aýdanyndaǵy saýda úılerdiń birinen aryz túsken. Shaǵymdanýshy dúkenderin tonap, úsh qyzmetkerdiń pyshaq jaraqatyn alǵanyn jetkizgen. Onyń ishinde eki jábirlenýshiniń pyshaq jaraqaty aýyr deńgeıde, ishki qurylysy aıtarlyqtaı jaraqattanǵan. Tergeý barysynda úsh adamnyń qaraqshylyq jasaǵany anyqtalǵan. Onyń ekeýi 19-20 jastaǵy Almaty qalasynyń turǵyndary.
«Ekeýi ustaldy. Úshinshisi qashyp ketti. Oǵan 2015 jyldyń 13 mamyrynda izdeý jarııalanyp, ustalǵan sátte qamaý týraly sanktsııa shyǵaryldy. Kóp ýaqyttan beri onyń meken-jaıyn anyqtaý múmkin bolmady. Biraq polıtseılerdiń qyraǵy jumysynyń nátıjesinde ol qansha tyǵylsa da, qolǵa tústi. Kúdikti Shyǵys Qazaqstan oblysynyń Katonqaraǵaı aýdanynda ustaldy. Qamaýǵa alyndy. Bul fakt 293 baptyń 3 bóligi, ıaǵnı pyshaq qoldanyp buzaqylyq jasaý babymen tirkelgen bolatyn. Іs qaıta qaralyp, QR QK 192 babynyń 2 bóligi «Qaraqshylyq« jáne QR QK 188 babynyń 2 bóligi «Tonaý« boıynsha aýystyrylyp, tergelip jatyr»,- delingen atalǵan vedomstvonyń baspasóz qyzmeti taratqan habarlamada.
