Qarasaı, Aǵyntaı batyrlar týraly fılm prokatqa shyǵady
ASTANA. QazAqparat - Naýryz aıynda Qazaqstan kınoteatrlarynda «Batyrlar joly» jáne «Altynshy beket» dep atalatyn eki tolyqmetrajdy fılm kórsetiledi, de habarlaıdy QazAqparat tilshisi.
Atalǵan týyndylar «Habar» agenttiginiń tapsyrysymen telehıkaıa retinde túsirilgen.
«Naýryz aıynda «Batyrlar joly» jáne «Altynshy beket» dep atalatyn eki teleserıaldy jáne solarǵa negizdelgen eki tolyqmetrajdy fılmdi Qazaqstan kınoteatrlarynda kórsetiledi. Bul otandyq serıaldar ishinde kınoprokatqa tolyq metrajdy joba retinde shyǵyp otyrǵan tuńǵysh dúnıeler», - dep atap ótti «Habar» agenttigi basqarma tóraǵasynyń orynbasary Rınat Kertaev Ortalyq kommýnıkatsııalar qyzmetinde ótken baspasóz máslıhatynda.
Agenttik ókili aıtyp ótkendeı, «Batyrlar joly» - XVII ǵasyrdyń basynda qazaq halqy bastan keshken oqıǵalardy sýretteıdi. Bul basty róldegi Qarasaı, Aǵyntaı, Taımas, Mergen batyrlardyń jońǵar-oırattar shapqynshylyǵy kezindegi kórsetken erlikterin jastarǵa úlgi etetin tarıhı týyndy.
«Altynshy beket» kartınasyna ómirden alynǵan shynaıy oqıǵa arqaý bolǵan. Dálirek aıtqanda, 2010 jyly Aqtaý túrmesinen qashqan qylmyskerlerdi toqtatýda erlik kórsetken Ulttyq ulan sarbazdarynyń batyrlyǵy kórsetiledi.
Fılmder prokattan ótken soń, olardyń serıaldyq nusqasy Habar arnasynan kórsetiledi.
