«Qarapaıym zattar ekonomıkasy» jáne «Bıznestiń jol kartasy» baǵdarlamalarynyń merzimi 2022 jylǵa ulastyrylady
«Pandemııa kezinde memleket azamattarǵa jáne kásipkerlerge aýqymdy ári jedel qoldaý kórsetti. «Qarapaıym zattar ekonomıkasy» baǵdarlamasy óziniń tıimdiligin dáleldedi. Ony júzege asyrý barysynda 3,5 myńnan astam joba iske qosyldy. Sondaı-aq 70 myn jumys orny ashyldy. Óndirilgen ónim men qyzmettiń jalpy quny 3,5 trln teńge boldy. «Bıznestiń jol kartasy» baǵdarlamasynyń arqasynda 66 myń joba memleket tarapynan qoldaý tapty. Bul 150 myńnan astam jumys ornyn ashýǵa jáne saqtap qalýǵa septigin tıgizdi», - dedi QR Prezıdenti.
Alaıda, Memleket basshysy búgingi ahýaldyń áli de kúrdeli ekendigin ashyq aıtty
«Sondyqtan men «Qarapaıym zattar ekonomıkasy» jáne «Bıznestiń jol kartasy» baǵdarlamalarynyń merzimin 2022 jylǵa ulastyrý týraly sheshim qabyldadym. Bul maqsatta bólinetin qarjynyń kólemi keminde 1 trln teńge bolady», - dedi Toqaev.
