Qarapaıym zattar ekonomıkasy: ShQO-da 276 jobaǵa qarjylaı qoldaý kórsetildi
ShQO Kásipkerler palatasynyń dırektory Qaırat Mamyrbaevtyń málimetine súıensek, «Qarapaıym zattar ekonomıkasy» baǵdarlamasy aıasynda 2021 jyly óńirde jalpy somasy 49,3 mlrd teńgege 284 joba maquldanǵan. Sonyń ishinde 276 jobaǵa qarjylaı qoldaý tanytyldy.
«Jeńil ónerkásip salasynda osy jyly ShQO Bilim basqarmasymen birlesip, ST-KZ sertıfıkaty jáne mektep formasy men aıaq kıim tigý boıynsha ındýstrııalyq sertıfıkaty bar 13 jergilikti taýar óndirýshige kómek kórsetilgen. Oblystyq bıýdjetten memlekettik tapsyrysqa 1,3 mlrd teńge bólindi. Osy qarajatqa áleýmettik osal otbasylardan shyqqan balalarǵa arnalǵan 44 myń jıyntyq tigildi», - dedi Qaırat Mamyrbaev.
Onyń aıtýynsha, palata bıznes ókilderiniń quqyǵyn qorǵaý jáne ákimshilik kedergilerdi azaıtý boıynsha turaqty jumys atqarýda. Jyl basynan beri jalpy 377 ótinish kelip túsip, onyń 336-sy oń sheshimin tapqan.