Qarapaıym zattar ekonomıkasy: ShQO-da 255 joba júzege asyrylmaq
ÓSKEMEN. QazAqparat – Shyǵys Qazaqstan oblysynda «Qarapaıym zattar ekonomıkasy» baǵdarlamasy aıasynda 255 joba maquldandy, dep habarlaıdy QazAqparat tilshisi.
«Qarapaıym zattar ekonomıkasy» memlekettik baǵdarlamasy 2018 jyly qabyldanǵan. Ondaǵy maqsat - ımportqa táýeldilikti azaıtyp, otandyq kásipkerlerge el ishindegi kúndelikti tutynymdaǵy taýarlar óndirisin ulǵaıtýǵa barynsha qolaıly jaǵdaı jasaý.
Shyǵys Qazaqstanda atalǵan baǵdarlama boıynsha 46,1 mlrd teńgege 255 joba maquldandy. Bul jobalar keleshekte oblys halqynyń qajettilikterin ótep, áleýmettik mańyzy bar azyq-túlik taýarlarynyń ımportyn almastyrady. Bul jobalardyń ishinde ekinshi deńgeıli bankter jelisi boıynsha 58, agrarlyq nesıe korporatsııasy arqyly 5,4 mlrd teńge somasyndaǵy 197 joba bar.
«Jeńildikpen nesıe beriletin «Qarapaıym zattar ekonomıkasy» jobalarynyń árbirin egjeı-tegjeıli pysyqtaý qajet. Basa nazardy agrarlyq sektorǵa aýdarý kerek. Sondyqtan oblystyń kásipkerlik jáne aýyl sharýashylyǵy basqarmalaryna sońǵy bes jyldaǵy «Bıznestiń jol kartasy» baǵdarlamasy aıasynda kepildengen jáne sýbsıdııalanǵan jobalardyń sany týraly tolyq esep daıyndaýdy tapsyramyn», - dedi Danıal Ahmetov.
Aıta keteıik, búginde oblys kóleminde bankter maquldaǵan bastamalar ishinde bıdaı jáne qara bıdaı unyn, túrli maı daqyldaryn, qus ónimderin óndirýge baǵyttalǵan iri jobalar bar.
