«Qarapaıym zattar ekonomıkasy»: Nesıeni sýbsıdııalaý merzimi 10 jylǵa uzartyldy
NUR-SULTAN. QazAqparat – Ulttyq ekonomıka mınıstri Áset Erǵalıev Úkimet otyrysynda «Bıznestiń jol kartasy 2025» jáne «Qarapaıym zattar ekonomıkasy» baǵdarlamalarynyń qalaı iske asyp jatqanyn baıandady, dep habarlaıdy QazAqparat tilshisi.
«Bul baǵdarlamalar boıynsha kásipkerler úshin nesıe mólsherlemesi tómendetilip 6% qurady. Ótken jyly «Bıznestiń jol kartasy 2025» baǵdarlamasy aıasynda nesıeniń eń kóp mólsheri 7 mlrd. teńgege deıin sýbsıdııalaý merzimi 5 jylǵa deıin ulǵaıtyldy. «Qarapaıym zattar ekonomıkasy» boıynsha nesıe somasy shektelmegen, al sýbsıdııalaý merzimi 10 jyldy quraıdy», - dedi Áset Erǵalıev Úkimet otyrysynda.
Ol, sondaı-aq, byltyr «Bıznestiń jol kartasy 2025» baǵdarlamasy boıynsha salalyq shekteýler alynyp tastalǵanyn, al «Qarapaıym zattar ekonomıkasy» baǵdarlamasy sheńberinde taýarlar men kórsetiletin qyzmetter tizbesi 150 ekonomıkalyq jikteýishke deıin jetkizilgenin atap ótti.
