«Qarapaıym zattar ekonomıkasy»: Mamın Shymkentte jip ıirý fabrıkasyn iske qosty
Fabrıkany «Qazaqstannyń ınvestıtsııalyq qory» AQ jáne «Alliance Textile» Ózbek jeńil ónerkásip kásiporyndary qaýymdastyǵynyń birlesken kásiporny — «Alliance» Saýda-ónerkásip palatasy» JShS ashyp otyr.
Úkimet basshysynyń sapary QR Tuńǵysh Prezıdenti - Elbasy Nursultan Nazarbaev bastamashy bolǵan IID MB, «Qarapaıym zattar ekonomıkasy» baǵdarlamalaryn, sondaı-aq Memleket basshysy Qasym-Jomart Toqaevtyń Shymkent pen Túrkistan oblysyn áleýmettik-ekonomıkalyq damytý boıynsha bergen tapsyrmalaryn iske asyrýdy qamtamasyz etý aıasynda uıymdastyryldy.
Joba bıyl maýsym aıynda QR jáne ÓR úkimetteriniń arasynda birlesken toqyma klasterin qurý týraly qol jetkizilgen kelisimder aıasynda iske asyryldy. Taraptardyń kúsh-jigeriniń arqasynda qysqa ýaqyt ishinde jóndeý-qalpyna keltirý jumystary júrgizilip, kommýnaldyq qyzmetter tartyldy, bul kóp jyldardan beri jumysy toqtap turǵan fabrıkany iske qosýdy qamtamasyz etti.
«Qazaqstan Respýblıkasynyń Tuńǵysh Prezıdenti – Elbasy Nursultan Ábishuly Nazarbaev bizdiń aldymyzǵa «qarapaıym zattar ekonomıkasyn» damytý mindetin qoıdy, onda jeńil ónerkásipke erekshe ról beriledi. Biz onyń alǵashqy nátıjelerin kórip otyrmyz», - dedi A. Mamın.
Premer-Mınıstr fabrıkany iske qosý Qazaqstannyń toqyma klasterin damytýǵa zor serpin beretinine senim bildirdi.
«Memleket basshysy Qasym-Jomart Kemeluly Toqaev Qazaqstan ekonomıkasynyń shıkizattyq emes sektorlaryna sheteldik ınvestıtsııalardy tartýdyń mańyzdylyǵyn birneshe ret atap ótti. Ózbekstannyń toqyma ónerkásibin damytýdaǵy oń tájirıbesin eskere otyryp, bıyl 22 maýsymda ótken Qazaqstan men Ózbekstan arasyndaǵy yntymaqtastyq jónindegi Birlesken úkimetaralyq komıssııanyń 18-shi otyrysy aıasynda Shymkent qalasynda toqyma klasterin birlesip iske qosý týraly kelisimge qol qoıyldy», - dedi A. Mamın.
Kásiporynda birinshi kezeńde 120 jańa jumys orny qurylǵan. Maqta-talshyqty óńdeý kólemi jylyna 6 myń tonnany quraıdy. Jobaǵa ózbek tarapynyń ınvestıtsııalary shamamen 4,6 mlrd teńge.
Shymkent qalasynyń toqyma klasterin qalpyna keltirý jónindegi Jol kartasy aıasynda qosymsha eki fabrıkany iske qosý josparlanǵan, bul Qazaqstanda óńdeletin maqta kólemin 2 esege arttyrýdy qamtamasyz etedi jáne 800 jańa jumys ornyn qurady.
Túrkistan oblysy Qazyǵurt aýdany Maılyoshaq aýylynda A. Mamın jyldam ázirlenetin tamaq ónimderin óndiretin zaýyttyń ashylý rásimine qatysty.
Álemdegi asa iri jyldam ázirlenetin kespe óndirýshi - «CG Foods Central Asia» kompanııasy jobaǵa 5,7 mlrd teńge ınvestıtsııa saldy jáne 300-ge jýyq qazaqstandyqty jumyspen qamtamasyz etýdi josparlap otyr.
Shyǵarylatyn ónim kólemi jylyna 4,5 myń tonnadan asady. Óndiris protsesinde tek otandyq shıkizat paıdalanylady. Ónimdi ishki naryqqa ǵana emes, syrtqy naryqtarǵa da jetkizý josparlanǵan.