«Qarapaıym zattar ekonomıkasy» baǵdarlamasyna qosymsha 400 mlrd teńge bólinedi
NUR-SULTAN. QazAqparat - «Qarapaıym zattar ekonomıkasy» baǵdarlamasyna qosymsha 400 mlrd teńge bólinedi. Bul týraly búgin Úkimet otyrysynda QR Ulttyq ekonomıka mınıstri Rýslan Dálenov aıtty, dep habarlaıdy QazAqparat tilshisi.
«Bıznestiń jol kartasy-2025» jáne «Qarapaıym zattar ekonomıkasy» baǵdarlamalaryn sınhrondaý aıasynda kásipkerler úshin teńgelik qarjylandyrýǵa qoljetimdilikti kóterý kózdeledi. Birinshiden, nesıelendirý 1 trln teńgege deıin, ıaǵnı 400 mlrd teńgege ulǵaıady», - dedi kásipkerlikti jáne otandyq óndiristi qoldaý sharalary jaıynda baıandaǵan mınıstr.
Onyń atap ótýinshe, qarajat eń aldymen ımportqa táýeldilikti tómendetý jáne azyq-túlik qaýipsizdigin qamtamasyz etý úshin otandyq ónim óndirýshilerge beriledi. «Bıznestiń jol kartasy-2025» memlekettik baǵdarlamasy boıynsha nesıelendirýdiń joǵarǵy shegi 7 mlrd teńgege deıin ulǵaıady. Aǵymdaǵy shyǵystardy jabý úshin bıznestiń aınalym qarajatyn qarjylandyrýdy keńeıtý usynylady.
«Nesıeler boıynsha túpkilikti syıaqy mólsherlemesi biriktendiriledi jáne 6 paıyzdy quraıdy. «Bıznestiń jol kartasy-2025» baǵdarlamasynda salalyq shekteýler alynadyjáne «Qarapaıym zattar ekonomıkasy» baǵdarlamasynda basym taýarlar tizbesi keńeıtiledi«, - dedi Rýslan Dálenov.
