«Qarapaıym zattar ekonomıkasy»: 1 teńge sýbsıdııa 40 teńgeniń ónimin shyǵarýda

NUR-SULTAN. QazAqparat – «Qarapaıym zattar ekonomıkasy» baǵdarlamasyna ózgerister engizý máselesi pysyqtalyp jatyr. Bul týraly Úkimet otyrysynda QR Ulttyq ekonomıka mınıstri Álibek Qýantyrov aıtty, dep habarlaıdy QazAqparat tilshisi.

«Qarapaıym zattar ekonomıkasy» baǵdarlamasynyń tıimdiligin taldaý boıynsha aldyn ala baǵalaý júrgizildi. Ol 2020 jyly baǵdarlama qatysýshylaryn qoldaýǵa baǵyttalǵan 1 teńge sýbsıdııa 40 teńge ónim shyǵarýǵa jáne 3 teńge salyq tóleýge yqpal etkenin kórsetti. Baǵdarlamany iske asyrýdyń eki jylynda 1,4 trln teńge somasyna ónim shyǵaryldy jáne 136 mlrd teńge somasyna salyq tólendi», - dedi mınıstr.

Onyń atap ótýinshe, 2019 jyldan 2021 jylǵa deıingi kezeńde 54 myń jumys orny quryldy jáne saqtaldy.

«2021 jylǵa tolyq taldaý tólengen salyqtar men ónim shyǵarý jáne baǵdarlama qatysýshylarynyń aınalymy boıynsha derekter alynǵannan keıin 2022 jyldyń shildesine qaraı júrgiziledi. Baǵdarlamaǵa ózgerister engizý boıynsha naqty sheshimder osy jumystyń nátıjeleri boıynsha usynylatyn bolady», - dedi Álibek Qýantyrov.