Qarapaıym tıin qalaǵa 300 myń dollar shyǵyn ákeldi
ASTANA. QazAqparat - AQSh-tyń Indıana shtatyna qarasty Fort-Ýeın qalasynda qarapaıym tıin saldary qatty daýylǵa ne bolmasa sý tasqynyna para-par materıaldyq shyǵyn ákeldi.
Jergilikti buqaralyq aqparat quraldarynyń habarlaýynsha, tıin áreketi taıaýda ǵana kúrdeli jóndeýden ótken qoǵamdyq ortalyqtaǵy elektr kerneýiniń kúrt artyp ketýine sebep bolǵan. Al odan kelgen shyǵyndy joıýǵa shamamen 300 myń dollar qajet.
Bılik málimetterine qaraǵanda, kemirgish abaısyzda aǵymdaǵy jyldyń 7 maýsymynda kúrdeli jóndeýden keıin ashylýy tıis ǵımarattyń elektr júıesi elementteriniń birine kirip ketken. Sonyń saldarynan elektr kerneýi kúrt joǵarylap, jylý berý, jaryqtandyrý jáne jeldetkish júıelerine zaqym kelgen. Al mundaı jaıttyń ornyn alýyna sebepker tıin toq soǵyp, ólip qaldy.
Zaqymdanǵan jabdyqtar taıaý arada aýystyrylatyn bolady. Degenmen jóndeý jumystaryna 4,5 mln. dollar ketken ortalyq mejelengen ýaqytynda ashylady. Ǵımaratta basketbol, fýtbol alańdary, sonymen qatar qala turǵyndarynyń kóńil kóterýine arnalǵan basqa da kóptegen demalys oryndary bar.
