Karantınniń kúsheıtilýi: Aqtaý ákimi reıdke shyqty

AQTAÝ. QazAqparat - Aqtaý qalasynyń ákimi Nurdáýlet Qılybaı̆ bastaǵan ákimdik qyzmetkerleri men jergilikti polıtsııa ókilimen birlesken top qaladaǵy birneshe nysanǵa kezekti reıd júrgizdi, dep habarlaıdy QazAqparat tilshisi.

Mańǵystaý oblystyq Bas sanıtarlyq dárigeriniń 2020 jyldyń 21 qazany kúngi Qaýlysyna sáı̆kes, dámhanalar men meı̆ramhanalarǵa saǵat 22.00-ge deı̆in ǵana qyzmet etýge ruqsat berilgen bolatyn. Alaı̆da, 12-shaǵynaýdanda ornalasqan «Sovereign Pub» jáne «Krıstall», «Shyǵys-2» shaǵynaýdanyndaǵy «Baı̆-er» dámhanalary erejeni eskermeı̆, 22.00-den keıin jumys istep turǵany anyqtaldy. Qoǵamdyq as ishetin oryndardyń ıelerinen túsinikteme alynyp, akt toltyryldy.

Atalǵan nysan ıelerine Ákimshilik quqyq buzýshylyq týraly kodekstiń 425-babyna sáı̆kes, 30 ben 200 AEK aralyǵynda aı̆yppul salynbaq.

Aı̆ta keteı̆ik, elimizde indettiń aldyn alý maqsatynda qabyldanǵan Bas sanıtarlyq dárigerdiń Qaýlysynyń oryndalýyn baqylaý maqsatyndaǵy monıtorıngilik top jumysy kúndelikti jalǵaspaq.