Karantınniń arqasynda elde KVI juqtyrýdyń táýliktik tirkelý jaǵdaıy 2,5 ese azaıdy -mınıstr

NUR-SULTAN. QazAqparat – Densaýlyq saqtaý mınıstri Alekseı Tsoı Qazaqstandaǵy karantın sharalarynyń nátıjesi týraly aıtyp berdi, dep habarlaıdy QazAqparat tilshisi.

«Qazir jaz. Kóktemdegi qıyn jaǵdaılardan keıin eldiń sharshaǵanyn bárimiz túsinemiz. Alaıda maska rejımin saqtaý – asa qajetti shara. Halyqaralyq tájirıbeni esepke ala otyryp, keshe ǵana biz maska taǵýǵa qatysty erejelerge tyń ózgerister engizdik. Atap aıtqanda bes jasqa deıingi balalarǵa, jeke sporttyq jattyǵý jasap júrgen azamattarǵa, jalpy tamaqtanatyn oryndarda tamaq ishý barysynda maska taǵýǵa mindettemeý týraly ózgeris kúshine endi. Alaıda bul jaǵdaılarda áleýmettik qashyqtyq saqtalýy kerek», - dedi Alekseı Tsoı OKQ-da ótken baspasóz máslıhatynda.

Onyń aıtýynsha, sanıtarlyq talaptardy kúsheıtýdiń arqasynda sońǵy úsh aptada eldegi barlyq aımaqta aýrý juqtyrý jaǵdaıy edáýir azaıǵan.

«Ortasha eseppen elde aýrý juqtyrýdyń táýliktik tirkelý jaǵdaıy eki jarym ese azaıdy», - dedi ol.