Karantınnen zardap shekken ShOB sýbektileri MÁMS jarnalarynan bosatyldy
ALMATY. QazAqparat - Almaty qalasynyń óńirlik kommýnıkatsııalar qyzmeti alańynda ótken onlaın brıfıng barysynda «Áleýmettik medıtsınalyq saqtandyrý qory» kommertsııalyq emes AQ Almaty fılıalynyń dırektory Tileýhan Ábildaev ekonomıkanyń eń kóp zardap shekken ShOB sýbektileri MÁMS jarnalarynan bosatylǵandyǵyn aıtty, dep habarlaıdy QazAqparat tilshisi.
Úkimettiń 2020 jylǵy 20 sáýirdegi qaýlysyna sáıkes 2020 jyldyń 1 qazanyna deıin ShOB sýbektileriniń 29 sanaty jáne 2020 jyldyń 1 shildesine deıin iri kásipkerliktiń 10 sanaty jarnalar men aýdarymdardan bosatylǵan bolatyn.
«QR Prezıdentiniń 1 qyrkúıektegi Joldaýynda ekonomıkanyń eń kóp zardap shekken salalarynda jumys isteıtin shaǵyn jáne orta bıznes sýbektilerin MÁMS jarnalary men aýdarymdarynan bosatý kezeńi jyl sońyna deıin uzartyldy», — dedi T. Ábildaev.
Óz qyzmetkerlerin saqtandyrý úshin jumys berýshiler olardyń derekterin msb.fms.kz saıtynda tirkeýi tıis jáne aı saıyn aqparatty jańartyp otyrý qajet.
