Karantınge jatpaı qashqan kókshetaýlyqqa qatysty is qozǵaldy
KÓKShETAÝ. QazAqparat - Aqmola oblysynda karantınge jatýdan bas tartqan kókshetaýlyqtyń ústinen qylmystyq is qozǵaldy, dep habarlaıdy QazAqparat tilshisi oblystyq PD baspasóz qyzmetine silteme jasap.
Vedomstvonyń málimetinshe, aǵymdaǵy jylǵy 19 naýryzda «Mınsk-Nur-Sultan» áýe reısinen túsken kókshetaýlyq mindetti túrde karantınge jatý talabynan bas tartyp, Nur-Sultan qalasynan Kókshetaýdaǵy úıine kelgen.
Medıtsınalyq tekseristen ótkizý úshin onyń úıine SEQ jáne jedel járdem qyzmeti barǵan. Alaıda, er adam medıtsına qyzmetkerlerine páteriniń esigin ashpaǵan.
«Bul týraly birden Kókshetaý qalalyq PD habarlanyp, tártip saqshylary páterdiń esigin buzyp, er adamdy emdeý mekemesine kúshtep jetkizdi. Ol jerde odan qajetti synama alynyp, vırýsologııa zerthanasyna jiberildi», - deıdi vedomstvodan.
Qazirgi kezde osy oqıǵaǵa baılanysty er adamǵa qatysty QR QK 304-babynyń 1-bóligi boıynsha (santıralyq erejeni nemese gıgıenalyq talaptardy buzý) sotqa deıingi tergeý amaldary júrgizilýde.
