Karantınge jatqyzylǵan zańsyz ónim tasymaldaýǵa qatysty 50 oqıǵa anyqtaldy - AShM
«1-11 qańtar aralyǵynda Batys Qazaqstan, Aqtóbe, Túrkistan oblystyq aýmaqtyq ınspektsııalarynyń ósimdikter karantıni jónindegi memlekettik ınspektorlary Reseı Federatsııasynan jáne Ózbekstan Respýblıkasynan karantındik fıtosanıtarııalyq qaýpi joǵary karantınge jatqyzylǵan ónimderdi 50 zańsyz jaǵdaıda ákelgen áreketti anyqtady», - delingen habarlamada.
Sondaı-aq, karantındik fıtosanıtarııalyq baqylaý júrgizý kezinde Reseı Federatsııasynan 2 500 dana kókónis daqyldarynyń tuqymdary (qorapta), 20 tonna lımon men mandarın jáne Ózbekstannan 82 tonna qurma, 20 tonna pisteniń fıtosanıtarııalyq sertıfıkatsyz tasymaldanǵany belgili boldy.
«Ósimdikter karantıni salasyndaǵy zańnamalardyń talaptaryna sáıkes atalǵan ónimder Qazaqstanǵa tasymaldaýǵa tyıym salynǵan. Júkter Reseı Federatsııasyna jáne Ózbekstanǵa keri qaıtarylyp, kináli tulǵalar ákimshilik jaýapkershilikke tartyldy», - delingen habarlamada.