Karantınge jatqyzylǵan qazaqstandyq tennısshi test nátıjesin jarııalady
NUR-SULTAN. QazAqparat – Karantınge jatqyzylǵan qazaqstandyq tennısshi ıAroslava Shvedova koronavırýs juqtyrmaǵanyn málimdedi, dep habarlaıdy QazAqparat tilshisi.
Sportshy Nur-Sultan qalasyndaǵy aýrýhanalardyń birinde karantınde jatyr.
ıA.Shvedova koronavırýs anyqtalǵan áıelmen birge ushaqpen ushyp kelgen bolatyn.
«Koronavırýsqa alynǵan test teris nátıje kórsetti. Biraq aýrý juqtyrǵan adamǵa jaqyn otyrǵandyqtan, eki apta boıy karantınde bolýym kerek», - dep jazdy tennısshi Instagram-daǵy paraqshasynda.
Eske sala keteıik, budan buryn koronavırýsqa baılanysty Argentına-Qazaqstan matchynyń keıinge shegerilgenin jazǵan bolatynbyz.
Egiz sábıli bolýyna baılanysty sporttyq jolynda úzilis bolǵan ıA.Shvedova kortqa bıyl oralǵan bolatyn. Ol oıynshy bolýmen qatar, Qazaqstan áıelder quramasynda kapıtandyq tizgindi de qolǵa alǵan edi.
Búgin jańartylǵan WTA reıtıngisinde aıtarlyqtaı ózgeris joq.
Alǵashqy úshtikte burynǵysha aýstralııalyq Eshlı Bartı, rýmynııalyq Sımona Halep jáne chehııalyq Karolına Plıshkova keledi.
Qazaqstandyqtar Elena Rybakına men ıÝlııa Pýtıntseva sáıkesinshe 17-inshi jáne 33-oryn saqtap qalsa, Zarına Dııas 63-ten 64-ke syrǵydy.
Juptyq synda Galına Voskoboeva 62-ornynda qalsa, Anna Danılına 120-dan 123-ke tómendedi.
