Karantınge baılanysty qujattaryn resimdep úlgermegender aıyppul tólemeıdi
PETROPAVL. QazAqparat – Soltústik Qazaqstan oblysynda kóshi-qon qyzmeti jyl basynan 36 myńnan astam memlekettik qyzmet kórsetti, dep habarlaıdy QazAqparat tilshisi.
SQO Polıtsııa departamenti baspasóz qyzmetiniń málimetinshe, tótenshe jaǵdaı engizilýine baılanysty Halyqqa qyzmet kórsetý ortalyqtary men kóshi-qon qyzmeti ortalyǵy ýaqytsha jabyldy. Bul shara koronavırýs ınfektsııasy taralmaýy úshin qolǵa alynǵan shara. Kóshi-qon jelisi boıynsha memlekettik qyzmetter halyqqa tek «elektrondyq úkimet» portaly arqyly kórsetiledi.
Mamandardyń aıtýynsha, azamattardyń arasynda asa suranysqa ıe qyzmetterdiń biri – el turǵyndaryn turǵylyqty jeri boıynsha tirkeý jáne tirkeýden shyǵarý. Jyl basynan osy qyzmetti alý úshin 12 myńnan astam soltústikqazaqstandyq júgingen. Bul – kóshi-qon qyzmeti bólinisteri kórsetken qyzmet kóleminiń úshten biri. 7,5 myń adam bul qyzmetti Halyqqa qyzmet kórsetý ortalyqtaryna barmaı-aq onlaın-rejıminde «elektrondyq úkimet» portaly arqyly alǵan.
«Qazirgi ýaqytta birqatar qyzmet túrlerin onlaın-rejımge kóshirý boıynsha jumystar atqarylýda. Ázirge bul protsess aıaqtalǵan joq. Budan bólek, adamdardy jaýapkershilik týraly másele alańdatady. Karantın kezeńinde tehnıkalyq sebepterge baılanysty qujattaryn resimdep úlgermegender ákimshilik jaýapqa tartylmaıdy», - deıdi SQO PD Kóshi-qon qyzmeti basqarmasynyń bastyǵy Talǵat Ábilov.
Jalpy jyl basynan oblysta kóshi-qon qyzmeti halyqqa 36 myńnan astam memlekettik qyzmet kórsetken.
