Karantındik statsıonarǵa ushaq jolaýshylary túsken joq – Sádýaqas Baıǵabylov
NUR-SULTAN. QazAqparat – Nur-Sultanǵa barlyq áýe jolaýshylary PTR-test anyqtamalarymen keldi. Bul týraly Kóliktegi bas memlekettik sanıtarlyq dáriger Sádýaqas Baıǵabylov aıtyp berdi, dep habarlaıdy QazAqparat tilshisi.
«27 qazanǵa qaraǵan túni Nur-Sultan qalasyna Túrkııadan 138 áýe jolaýshysy keldi, onyń ishinde Qazaqstannyń 101 azamatynyń barlyǵy COVID-19 PTR-anyqtamasymen keldi. Nur-Sultan qalasynyń karantındik statsıonaryna búgin eshbir jolaýshy túsken joq», - dedi S. Baıǵabylov.
Eske sala ketsek, Qazaqstanǵa keletinderden, onyń ishinde Qazaqstan azamattarynan PTR-anyqtama talap etý boıynsha shekteýler engizildi.
