Karantındik reıd: Aqtaýda 20-ǵa jýyq qoǵamdyq kólik tekserildi

AQTAÝ. QazAqparat – Aqtaý qalasynda sanıtarlyq-epıdemıologııalyq qyzmet mamandary ákimdik qyzmetkerlerimen birlesip qoǵamdyq reıd ótkizdi, dep habarlaıdy QazAqpara tilshisi.

Búgin sanıtarlyq-epıdemıologııalyq qyzmet mamandary men ákimdik qyzmetkerleri qoǵamdyq kólikterde betperde taǵý rıjımin jolaýshylar qalaı̆ saqtaı̆tynyn tekserýge shyqty, dep habarlaıdy QazAqparat tilshisi.

Monıtorıng aıasynda qoǵamdyq kóliktegi karantındik sharalardyń saqtaý erejeleri týraly jolaýshylarǵa túsindirilip, betperde taǵýdan bas tartqan adam bolsa, avtobýstan túsý suraldy. Jalpy, 20-ǵa jýyq qoǵamdyq kólik tekserildi.

«Óńirde indettiń taralý qaýipi áli kúnge deıin saqtalyp otyr. Sol sebepti aımaqta karantın sharalary kúsheıtildi, qoǵamdyq oryndar men avtobýstarda betperde taǵý qajet. Bul jolaýshylardyń ózine jáne turǵyndarǵa qorǵanýǵa múmkindik beredi»,-deıdi Aqtaý qalalyq jolaýshylar kóligi jáne avtomobıl joldary bóliminiń basshysy Jetibaı Qubashev.

Eske salsaq, Mańystaý oblysy Bas sanıtarlyq dárigeriniń 8 maýsymdaǵy qaýlysyna sáı̆kes, qoǵamdyq kólikte betperdesiz júrýge bolmaı̆dy.

Qalada qoǵamdyq kólikter tańǵy saǵat 6:00-den 10:00-ge deıin, keshke saǵat 17:00-den 21:00-ge deıin qatynaıdy.