Karantındi jeńildetý sharalary engizilmeıdi - mınıstr

NUR-SULTAN. QazAqparat – Vedomstvoaralyq komıssııa sheshiminen keıin karantındi jeńildetý bolmaıdy. Bul týraly QR Densaýlyq saqtaý mınıstri Alekseı Tsoı málim etti, dep habarlaıdy QazAqparat tilshisi.

Ortalyq kommýnıkatsııalar qyzmetindegi baspasóz máslıhatynda Vedomstvoaralyq komıssııanyń otyrysynan keıin karantındi jeńildetý nemese qatańdatý múmkindigi týraly suraldy.

«Osy kezeńde jeńildetý sharalary bolmaıdy. Búgin aıtylǵandaı, áýe sapary men shekaradan ótýge qatysty jekelegen sharalar kórsetiledi», - dedi A. Tsoı.

Budan buryn habarlanǵandaı, 5 qazannan bastap áýe qatynasy jańartylǵan barlyq elderge áýe qatynasyn toqtatý jáne reıs sanyn kóbeıtpeý, Túrkııaǵa ushatyn reıs sanyn azaıtý týraly sheshim qabyldandy.