Karantındi jeńildetý: Almatyda 855 myń adam jumysqa shyqty
ALMATY. QazAqparat - Almaty ákimi Baqytjan Saǵyntaev Almaty telearnasyndaǵy tikeleı efır barysynda qalanyń ekonomıkalyq ahýalyna qatysty boljamymen bólisti, dep habarlaıdy QazAqparat tilshisi.
Onyń aıtýynsha, qalalyq bas sanıtarlyq dárigerdiń qaýlysyna sáıkes barlyq kásipkerlik nysandar ashyldy. Tek kalıan barlary, bılıard, banket zaldary jabyq tur.
Arnaıy bazadan 180 myń kásipkerlik sýbekti tirkeýden ótken.
«Almatyda ekonomıkalyq belsendi azamattar sany 950 myń ekenin eskersek, qazir 855 myń almatylyq jumysqa shyqty. Naqty san budan tómen bolýy múmkin. ıAǵnı, shamamen 740 myń adam jumysqa naqty shyqty», - dedi ol.
Ákim qala qashan belsendi ekonomıkalyq ómirge oralatynyn aıtty.
«Bıylǵy 7 aıdyń nátıjesin qorytyndylasaq, negizgi ındıkatorlar boıynsha belsendilik 88,4 paıyz bolyp otyr. Bizdiń basty mindetimiz – 100 paıyzǵa shyǵý. Birinshi kezeńde. Aldymyzda áli 4 aı ýaqyt bar. Karantın men karantınnen keıingi kezeńde jaýapkershilik saqtap, qaýipsizdik talaptaryn oryndap jumys istesek ekonomıkamyz tezirek qarqyn alary sózsiz. Áıtpese, birese ashylyp, birese jabylyp, amerıkan gorkasy sııaqty júrgenimiz júrgen. Bul tek bizde emes, barlyq álemde ekonomıka mınýsqa kirgen. Almaty kelesi jyldan bastap qarqyn alady dep senemiz. Qazir korporatıvti tabys salyǵy boıynsha jospar oryndalyp tur. Al jeke tabys salyǵy, áleýmettik tabys salyǵy tómendegen. Ol adamdardyń jalaqysy azaıǵanyn kórsetedi. Bul da óz kezeginde salyq kórsetkishterine áser etti», - dedi Baqytjan Saǵyntaev.
