Aqtóbe oblystyq bas memlekettik sanıtarııalyq dárigeri Nursulý Berkimbaeva jańa qaýlyǵa qol qoıdy. Onda karantınnen keıingi shekteýler anyq kórsetilgen.

«Oıyn-saýyq, sporttyq, otbasylyq, estelik, saltanatty jáne adam kóp jınalatyn ózge de is-sharalardy ótkizýge bolmaıdy. Úıde uıymdastyrýǵa da tyıym salynǵan. Karaoke, bılıard, kompıýterlik klýb, túngi klýb, boýlıng ortalyqtary, attraktsıondar, balalardyń oıyn alańy, batýt, kınoteatr, býkmekerlik keńseniń qyzmetterine ruqsat joq. Mádenı oshaqtar men murajaılar jabyq. Konferentsııa, kórme, forým ótkizilmeıdi. Balalardyń saýyqtyrý lagerleri jumys istemeıdi. Al balabaqshalarda ázirge tek kezekshi topqa ruqsat bar. Qalalyq jáne qoǵamdyq jaǵajaı, basseın, ashyq akvapark, dinı nysandardyń jumysyna, qalaaralyq avtobýs, shaǵyn avtobýs tasymalyna tyıym salyndy», - delingen Qaýlyda.
Aıta keteıik, kásipkerler jumysty qaıta bastaý úshin InfoKazakhstan.kz saıty arqyly elektrondy akt alýy tıis.
Bekitilgen qujatqa sáıkes, saýda-oıyn-saýyq kesheni, saýda úıleri, azyq-túlik jáne azyq-túlik emes bazarlar, jumys isteıdi. Tek kelýshiler sanyna shekteý bolady. Sulýlyq salony, shashtaraz, SPA ortalyqtary jáne kosmetologııa qyzmeti jandanady. Fıtnes jáne sporttyq-saýyqtyrý ortalyqtary, monsha men saýna jumysyna ruqsat berildi. Balalardyń túzetý kabıneti, balalar jáne eresekter bilim berý ortalyqtary, ashyq aspan astyndaǵy attraktsıondar qyzmeti jandanady.
Qoǵamdyq tamaqtaný oryndary qyzmetin bastaıdy. Tek bir nysanda kelýshiler sany 30 adamnan aspaýy tıis. Aýdanaralyq baǵyttardaǵy qoǵamdyq kólikter men taksı qyzmetterine ruqsat. Al demalys kúnderi shekteý jalǵasady. Bul shekteý qoǵamdyq oryndarda, halyqtyń kelýine, qyzmet kórsetýine jáne demalýyna arnalǵan úı-jaılarda, qoǵamdyq kólikte (onyń ishinde taksıde) qarastyrylmaıdy. Adamdar medıtsınalyq nemese mata maskalaryn mindetti túrde taǵýy tıis. Jasty 5-ke tolmaǵan, qoǵamdyq tamaqtaný oryndarynda áleýmettik qashyqtyqty saqtaǵan, áleýmettik qashyqtyqty saqtaı otyryp jeke jáne toptyq sportpen shuǵyldanǵan, medıtsınalyq qarsy kórsetilimderi bar adamdarǵa mindetti emes.