Karantındi sozý týraly sheshim ózin-ózi aqtady – Azat Perýashev
NUR-SULTAN. QazAqparat – Parlament Májilisiniń depýtaty Azat Perýashev elde karantındi uzartý týraly sheshimge qatysty pikir bildirdi, dep habarlaıdy QazAqparat tilshisi.
«Biz óz usynystarymyzdy Úkimet pen memlekettik organdarǵa jetkizgimiz keledi. Jalpy qazirgi tańda elde tótenshe jaǵdaıdy engizý, karantın tártibin uzartý týraly sheshimniń ózin-ózi aqtaǵanyn kórip otyrmyz. Birneshe apta buryn ǵana álemdegi jaǵdaıdan qaraǵanda bizdegi ahýal qıyn dep qorqa bastaǵan edik», - dedi Azat Perýashev «Aq jol» partııasynyń bıznesti qoldaý sharalaryna baılanysty ótkizilgen onlaın rejımdegi respýblıkalyq baspasóz máslıhatynda.
Depýtattyń aıtýynsha, búgingi tańda Eýropada, Brıtanııa men Belgııada, sonymen qatar ońtústik jáne soltústik Amerıkada koronavırýs indetiniń ekinshi tolqyny ótti degen pikir baryn aıtyp ótti.
«Sol sebepti karantındi uzartý týraly sheshimdi qoldadyq. Bul sheshim durys boldy. Prezıdent te osyny tapsyrǵanyn bilesizder. ıAǵnı kásiporynnyń jumysyn shektep qana qoımaı, ony rettep otyrý kerek. Densaýlyq saqtaý mınıstrliginiń esebine sensek, biz qazir indettiń sharyqtaý sheginen óttik. Aýrý juqtyrýdyń azaıyp bara jatqanyn kórip, bilip otyrmyz. Ókinishke qaraı, aramyzdan indet adamdardy áli de alyp ketýde. Týystarymyzdyń, dostarymyzdyń arasynda indettiń qurbany bolǵandar bar. Alaıda shyńyraý basynan jarq etken sáýle baıqalady. Desek te, arqany keńge salatyn kez emes. Prezıdent jappaı tyıymnan góri kásiporyndardyń jumysyn retteýdi tapsyrǵan bolatyn. Alaıda memlekettik organdar men jaýapty adamdardyń tarapynan bul tapsyrma basqa sıpat alyp, bıznes kóptegen kedergimen betpe-bet keldi. Ondaı shekteýlerdiń keıde negizi bolmaı shyǵady», - dedi ol.
